ТТА Кўп Тармоқли Клиникаси

Обше

Нефрология бўлими Тошкент тиббиёт академияси кўп тармоқли клиникасининг 9 бино 5 қаватида жойлашган бўлиб, нефрологик ва терапевтик касалликларни замонавий фан ютуқларига асосланиб, клиника ва морфологиясини ҳисобга олган ҳолда юқори сифатли консерватив даволаш ишлари олиб борилади.Нефрология бўлими 20 та ўрин жойидан иборат.

Алоҳида нозологик формадаги баъзи касалликлар, масалан, ўткир ости ва сурункали гломерулонефрит, бир қанча тизимли касалликлар (тизимли қизил бўрича, тугунли периартрит, Вегенер касаллиги, геморрагик васкулит) терминал буйрак етишмовчилигига олиб келади. Шунга кўра касалликларни симптоматик ва патогенетик даволанади.

Шунингдек, ўткир ва сурункали пиелонефритлар, буйрак амилоидози, диабетик нефропатия, 1 ва 2-даражали сурункали буйрак етишмовчилиги каби касалликларга ташҳис қўйилади ва даволанади.

Буйрак касалликларини даволашда кўрсатмага асосан замонавий иммуносупрессив терапия, селектив иммунодепрессантлар (азатиоприн, циклофосфан) қўлланилади. Бундай даволаш касалликни ремиссиясига олиб келади ва буйрак етишмовчилиги ривожланишини секинлаштиради. Патогенетик давода кортикостероидлар яллиғланиш жараёнини тўхтатса, иммунодепрессантлар эса иммуно депрессив хусусиятига эга бўлиб, пролиферация жараёнларини пасайтириш билан таъсир этади.

Нефрологик касалларга замонавий лаборатор-инструментал текшириш усуллари қўлланилади (ультратовуш, рентгенологик, компьютер – томографик текширувлари), бу текширув услублари буйракларни структур ҳолатини баҳолашда катта ўрин тутади.

Нефрология бўлимида қуйидаги касалликлар даволанади:

- сийдик айириш тизими касалликлари (цистит, пиелонефрит, буйрак-тош касаллиги, гломерулонефрит);

Бўлимда беморларни даволаш ишлари Соғлиқни сақлаш вазирлиги томонидан тасдикланган даволаш ва диагностика стандартлари асосида олиб борилади. Бўлим тиббиёт ҳодимлари ўзларининг ҳалол меҳнатлари ва ширинсўзлиги билан беморларнинг соғайишида катта ўрин тутадилар. Даволаш давомида беморлар билан профилактика ва касалликнинг реабилитацияси ҳақида суҳбат ўтказилади. Беморларни касалхонадан чиқарилганидан кейин кўплаб беморлар даврий равишда шифокорлар кузатувида бўладилар. Бу реабилитациянинг эффективлигини оширади. Шунинг учун беморлар навбатдаги даво курсини олиш учун шу бўлимга мурожаат қилишади.

Диагностик методлар:

Беморларда қуйидаги функционал текширувлар ўтказилади:

ЭКГ,
ЭЭГ,
ЭхоЭГ,
РЭГ,
ЭХОКС,
ВЭМ,
денситометрия,
ФВД,
рентген текширувлари (кўкрак қафаси рентгенографияси, меъда ичак тракти рентгеноскопияси, обзор урограмма, экскретор урограмма, ирригоскопия);
УТТ (жигар, ўт қопи, простата, сийдик қопи, генитал аъзолар ва қорин бўшлиғи);
ЭФГДС,
ректороманоскопия,
колонофиброскопия.