Клиника тариҳи

Клиника тариҳи


 

   1919 йилнинг 2 августида РСФСР Халқ комиссарияти олий таълим муссалари бўлими Туркистон Давлат университети қошида тиббий факультет очишни тасдиқлади.

Туркистон Республикаси Халқ Комиссарияти Советининг  1920 йил 5-майдаги  837-сонли қарорига кўра  “ Собиқ кадет биноси ва унда жойлашган Полторацкий клиникаси барча бинолари ва инвентарлари Туркистон Давлат Университет клиникаси ихтиёрига берилади.

Собиқ кадет иншоатининг асосий биносида ўтказилган қайта қуришлардан сўнг, унга тиббиёт факультетининг асосий клиника ва кафедралари жойлаштирилди.   Бинолар етишмаслиги сабабали айрим клиникалар, жумладан госпитал терапия, хирургия, асаб касалликлари, кўз, тери таносил касалликлари клиникалари харбий госпиталга, рухий касалликлар клиникаси эса  рухий касалликлар шифохонасига жойлаштирилди.

 Туркистон Республикаси хукуматининг 1922 йилда жиҳозлар ва адабиётлар учун ажратган  65 000 рубл маблағи эвазига 1921-1926 йилларда барча клиника ва кафедраларжихозлар билан тўлдирилди ва янгиланди. Жумладан замонавий лабаротория жихозлари, тиббий жиҳозлар, микроскоплар, замонавий рентген аппаратлари ва кўплаб тиббий китоблар харид қилинди. Буларнинг барчаси клиника моддий техник базасини бойитди ва  мустахкамлади, диагностика ва даволаш даражасини оширди.

1926-1930  йилларда зарур клиник бўлимлар учун собиқ кадет     биносида қайта қурилиш ишлари амалга оширилди ва психиатрия бўлими ташкил қилинди.

1945-46 ўқув йилида Тошкент тиббиёт институти худуди 43 га  майдонни эгаллаб, ушбу худудда 23 та клиник бўлимлар жойлаштирилди ва клиникада мавжуд ўринлар сони 1620 тага етказилди.  Институт клиникаси нафақат  Ўзбекистонлик беморларга,  шу билан биргаликда бошқа қардош давлатлар беморларига хам малакали тиббий хизмат кўрсатган. Урушдан кейинги дастлабки йилларда клиника юқори малакали кадрлардан иборат  мутахассислар таркибига эга бўлган. Совет армияси таркибида Улуғ ватанурушида ўзига хос мактабдан ўтган демобилизация қилинганлар хисобига ординаторлар таркиби тўлиқ тўлдирилган. Институт клиникасига  хизмат қилиш учун клиника худудида  кир ювиш бўлими, иккита дезинфекцияловчи мослама, ошхона, қон қуйиш бўлими, автоклав-стерилизация бўлимлари жойлаштирилган.

Даволаш ишлари сифати йилдан йилга яхшиланиб бориб,клиникада саломатлиги тиклаган беморлар сони ортиб борди. Шифокорлар ёрдами ва ёрдам кўрсатиш маданияти яхшиланди. 1946 йилнинг ярим йилида клиникада  9538 та  бемор даволаниб, 3221 та жаррохлик операциялари  бажарилди,  шулардан 776 таси шошилинч операциялардир.

1948 йилда   институт клиникаси 22 674 та беморга хизмат кўрсатди, бу 1947 йилга нисбатан 371 тага кўп эди. Даволаш  ишлари ва хизмат кўрсатиш маданиятининг яхшиланиши натижасида ўлим кўрсаткичи  1947 йилда 4.3% га, 1948 йилда эса 3.9 % га камайди.

Ўзбекистон ССР Соғлиқни сақлаш вазирлигининг 1976 йил 28 сентябрдаги 527-сонли буйруғига асосан клиникага Тошкент давлат тиббиёт институтининг клиникаси 1-клиникаси номи берилган.

 Клиникада меҳнат фаолиятларини юритган Бош шифокорлар:

  1. С.А. Далимов- 1967 й
  2. С.С Сраджев -1970й
  3. О.Р. Абдуллаев – 1971-?
  4. Х.Ш. Махмудов- 1976-1979й
  5. Х.К. Насретдинов -1994-1999й
  6. М.Х. Кадиров - 1999-2011й
  7. Ж.А. Ризаев – 2011-2016й
  8. А.К.Қурбонов- 2016-2017 й
  9. Ж.Б. Артыков -2017-2018й
  10. Д.А. Рустамова – 2018- ва х.в.

2-сонли Тошкент давлат тиббиёт институтининг клиникаси 1976 йил 15 октябрда, Ўзбекистон ССР Соғлиқни сақлаш вазирлигининг 1976 йил 28 сентябрдаги 527-сонли буйруғига асосан ташкил этилган.

Ўзбекистон ССР Соғлиқни сақлаш вазирлигининг 1990 йил 12 июлдаги 648-сонли буйруғи асосида Тошкент давлат тиббиёт институтининг клиникаси Иккинчи Тошкент давлат тиббиёт институтининг клиникаси деб ўзгартирилган.

Ўзбекистон Республикаси Соғлиқни сақлаш вазирлигининг 1995 йил 3 августдаги 369-сонли буйруғи асосида Иккинчи Тошкент давлат тиббиёт институтининг клиникаси Иккинчи Тошкент давлат тиббиёт институтининг 1-клиникаси деб ўзгартирилган.

Ўзбекистон Республикаси Президентининг 2005 йил 19 июндаги ПФ-3629-сонли “Тошкент тиббиёт академиясини ташкил этиш тўғрисида”ги фармони, Ўзбекистон Республикаси Вазирлар Маҳкамасининг 2005 йил 29 июндаги “Тошкент тиббиёт академияси фаолиятини ташкил этиш тўғрисида”ги 178-сонли қарори асосида, Ўзбекистон Республикаси Соғлиқни сақлаш вазирлигининг 2005 йил 1 августдаги “Тошкент тиббиёт академиясини ташкил этиш тўғрисида”ги 365-сонли буйруғига асосан 2005 йил 1 августдан Иккинчи Тошкент давлат тиббиёт институти 1-клиникаси Тошкент тиббиёт академиясининг 1-клиникаси деб ўзгартирилган.

 

Клиникада меҳнат фаолиятларини юритган Бош шифокорлар:

 

  Бабаян Андрей Борисович - 1976 йили 

 
 
 

Исмоилов Эркин Ходжаевич – 1976-1979  йиллари

 
 

  Махмудов Халим Шарипович – 1979-1983  йиллари  

 
 

  Мирходжаев Соқи Ходжаевич – 1983-1993  йиллари  

 
 

Акромов Комил Исломович – 1993-2002  йиллари

 

   Дадажанов Шухрат Нурматович – 2002  2019 йиллари

 

Ўзбекистон Республикаси Президентининг 2005 йил 19 июндаги ПФ-3629-сонли “Тошкент тиббиёт академиясини ташкил этиш тўғрисида”ги фармони, Ўзбекистон Республикаси Вазирлар Маҳкамасининг 2005 йил 29 июндаги “Тошкент тиббиёт академияси фаолиятини ташкил этиш тўғрисида”ги 178-сонли қарори асосида, Ўзбекистон Республикаси Соғлиқни сақлаш вазирлигининг 2005 йил 1 августдаги “Тошкент тиббиёт академиясини ташкил этиш тўғрисида”ги 365-сонли буйруғига асосан 2005 йил 1 августдан Иккинчи Тошкент давлат тиббиёт институти 2-клиникаси Тошкент тиббиёт академиясининг 2-клиникаси деб ўзгартирилган.

Тошкент тиббиёт академиясининг 2-клиникаси 40 йилдан ортиқ муваффақиятли фаолият кўрсатиб, Ўзбекистон Республикаси тиббиёт муассасалари орасида муносиб ўрин эгаллаб келган.

40 йил мобайнида ТТA 2-Клиникаси мамлакатдаги енг етакчи кўп тармоқли тиббиёт муассасасига айланган, унда 1600 га яқин ходим фаолият юритган. Шифокорларнинг ярмидан кўпи номзодлар ва тиббиёт фанлари доктори, юқори малакали тоифадаги шифокорлардир.

Бизга хабар йўлланг!

Ўзингизни қизиқтирган саволлар ёки таклифлар борасида бизнинг электрон почтага хабар қолдиринг.

Қайтар алоқа